NRKbeta

I gittermasta på Tryvasshøgda til høgre på biletet står NMTV sin største og kraftigaste sendar.

Det er mykje utstyr som skal på plass og mykje av det veg nokre kilo. Til Kolsås-sendaren går det ikkje bilveg slik at det er naudsynt med helikopterfrakt. Det gav oss ei mogelegheit til å inspisere sendepunkta frå lufta.

Kolsås-sendaren dekkjer mellom anna Fornebu og andre område i Asker og Bærum. Merk montøren som sit/heng oppe i tårnet og monterer DMB-antenne.

På Røvarkollen har DMB-antennene selskap av ei rekkje andre antenner som leverer ulike typar signal.

Dei fire sendarane dekkjer heimeområdet til om lag ein million innbyggjarar i Stor-Oslo. Om tilbodet fell i smak blant desse kan det verte aktuelt å utvide til andre delar av landet. Oslo-området har blitt vald då det er området i Noreg med flest potensielle sjåarar per sendar.

Sjølv om sendarane og antennene er i ferd med å kome på plass gjenstår det litt arbeid før signalet er slik det skal vere. Det er allereie seld eit firesifra DMB-mottakarar i Noreg, men fleire mottakarar er på veg til landet og til ulike butikkar.

På Ekeberg, ikkje langt ifrå Oslofjorden, står Brannfjell-sendaren som bidrar til å dekkje mellom anna Oslo sentrum, Kolbotn og Nesodden.

Tagger: DMB, miniTV, MTG, NMTV, TV 2, Viasat,